logo
A powerful architecture & Construction theme. Construct your website in the perfect Ratio.
Alienum phaedrum torquatos nec eu, vis detraxit periculis ex, nihil expetendis in mei. Mei an pericula

Blog

presstoexit / news  / Белинда Казим-Камински / Филмска проекција и разговор

Белинда Казим-Камински / Филмска проекција и разговор

Недисциплинирани форми на знаење |  Интернационален симпозиум „Кураторски размени“ |  Филмска проекција и разговор со Белинда Казим-Камински |  Музеј на современата уметност Скопје |  15 ноември 2018, 20 часот

Во четврток, на 15ти ноември со почеток во 20:00 часот, во Кино салата на Музејот на современата уметност во Скопје, ќе се одржи проекција на два краткометражни филма и разговор со Белинда Казим-Камински, уметница, истражувачка и писателка од Виена. Нејзин фокус на интерес се сеќавањето, траумата и црната радикална имагинација. Во моментот таа е докторски кандидат на PhD-in-Practice програмата при Академијата за ликовна уметност, Виена.

Во рамки на ова нејзиното прво претставување пред македонската публика, Белинда Казим-Камински ќе не запознае со нејзината истражувачка работа и уметничка практика преку прикажувањето на нејзините два краткометражни филма „Откопување. Во разговор“ (2017) и „Писмото“ (2018), по што ќе следи разговор со публиката.

Работејќи со фотографии кои Пол Шебеста, австриско-чешки мисионер, писател и етнограф, ги направил во поранешниот белгиски Конго (денешна Демократска Република Конго), Казим-Камински во филмот „Откопување. Во разговор“ (13 мин.) се занимава со насилни истории на архивскиот материјал и траумата на колонизацијата. Ставајќи ги во преден план прогонувачките потенцијали на колонијализмот, уметничката влегува во обеспокојувачки дијалог кој преговара за стратегиите на застапеност, за репродукцијата на специфични начини на гледање и за траумата во создавањето на Другиот, овде и сега. Овој филм беше прикажан на значајни меѓународни фестивали меѓу кои: f.e. the Dokfest Kassel, Diagonale, International Filmfestival Rotterdam, International Filmfestival Vancouver, и European Media Art Festival Osnabrück.

 

Изведувач и режисер: Белинда Казим-Камински. Камера: Сунанда Мескита. Звук и светло: Ник Прокеш. Асiстент на режија: Лиса Ковач.

 

Вториот краткометражен филм на Белинда Казим-Камински „Писмото“ од 2018 година (16 мин.) се движи помеѓу видео, перформанс, звук и текст. Таа ја зема како појдовна точка прогонувачката реминисценција на група Западноафриканци во Виена во 19 век. Следејќи ги оставените траги, се отвора шпекулативна анализа на архивските структури и предметите сместени во нив, која укажува на разбирање на минатото, не како минато, туку како почеток за испитување на временските прилики на дијаспората.

Режија: Белинда Казим-Камински. Изведувачи: Амако Боафо, Белинда Казим-Камински, Верена Мелгарејо-Вајнандт. Камера: Сунанда Мескита. Автор на звук: Басано Бонели. Монтажа: Сунанда Мескита, Белинда Казим-Камински. Асистент на режија и продукција: Лиза Ковач. Асистент на камера и постпродукција: Ник Прокеш.

 

Гостувањето на Белинда Казеем-Камински е дел од годишната програма на Проектниот простор Прес ту егзит со наслов „Недисциплинирани форми на знаење“ во рамките на серијата „Предавања, презентации и изложби“ и Меѓународниот симпозиум „Кураторски размени 7: Курирање урбани заедници“.

Програмите на Проектниот простор Прес ту егзит се организирани во партнерство со Музејот на современата уметност Скопје и Контрапункт, Скопје, а поддржани се од Министерството за култура на Република Македонија. 

 

 

admin

No Comments

Post a Comment