Проектен координатен систем
Надворешни активности | Проектен простор Прес ту егзит | Јованка Попова | Coordinate System Project | во организација на Butterbrot Cultural Project, Partizaning | Берлин, 14 – 22 мај, 2017.
Јованка Попова, програмски координатор на Прес ту егзит простор проектот учествуваше со презентација на програмските активности на Проектниот простор Прес ту егзит на LAB програмата во рамки на Coordinate System Project (14-19 мај). Во текот на програмските активности уметници, активисти и урбани истражувачи работеа заеднички со цел заедничко вмрежување и подготовка на идни активности.
Како уметноста преживува во време кога демократијата е уништена? Кои одговори може уметноста да ги понуди кога станува збор за присвојувањето на јавните места од страна на приватни претприемачи и тековните политики? Какви практики е потребно да се развијат? На кои начини уметничките практики излегуваат вон постоечките координати? Кои субверзивни стратегии треба да се спроведат?
Програмата на проектот која вклучува предавања, презентации, трибини и видео проекции, предвидува три тематските сесии со истражувачи, уметници и куратори од земјите од Централна и Источна Европа. Целта на истата е да овозможи претставување и проценка на моменталната состојба на прашања кои се однесуваат на поврзаноста помеѓу уметничка интеракција и урбаните јавни простори.
Првата сесија, “Враќање на јавниот простор – Уметноста како урбан активизам и обратно”, ќе се осврне кон прашања за поврзаноста помеѓу уметноста и урбаниот активизам, интервенциите во јавен простор кои се регулирани со различни актери. Втората сесија, “Спонтани уметнички интервенции во јавен простор како средство за премостување на секојдневието во урбаниот живот”, е посветена на начините на комуникација со помош на неовластени уметнички акција во урбаните контексти. Целта е да се истражат субверзивни димензии на таквите уметнички практики, деконструкција на реалноста, но, исто така, да се преиспитаат и критикуваат нормите и обичаите во општеството. Последната сесија, “Рекодирање. Создавање на нови просторни идентитети со (привремени) уметнички акции во јавен простор “се однесува на современите дискурси и практики на репрограмирање на јавниот простор преку кураторски практики. Ќе биде отворена дискусија за соработката меѓу властите, локалното население и урбаните уметници во процесите на донесување одлуки во врска со јавниот простор, во обид да се дефинираат политичките, како и естетските границите на (пре) создавање на релации со урбаниот простор.
Воведен говор: Charles Landry (UK)
Учесници: Artem Filatov (Русија), Gohar Smoyan (Ерменија), Liva Dudareva (Латвиа), Jovanka Popova (Македонија), Alexandra Portyannikova (Русија), Natasha Zhukova (Русија), Ivan Pantelić (Србија), Wojciech Kostrzewa (Полска), Katarzyna Anna Klimowicz (Полска), Dana Kosmina (Украина), Nataliia Neshevets (Украина), Arseny Sergeev (Русија), Jürgen Rendl (Словачка), Kadri Lind (Естониа), Joanna Kocemba (Полска), Aleksandra Nenko (Русија), Jekaterina Lavrinec (Литванија), Maciej Łepkowski, Wojtek Matejko и Anna Wilczyńska (Полска), Annamária Nagy (Унгарија), Anton Valkovsky (Русија), Artur Wabik (Полска).
Куратори: Alexandra Goloborodko, Alexander Formozov; Ко-куратор: Timur Kiselev
No Comments