Презентација на Бети Жеровц: When Attitudes Become the Norm
Презентација на Бети Жеровц: “When Attitudes Become the Norm: the contemporary curator and institutional art | 5ти Интернационален симпозиум КУРАТОРСКИ РАЗМЕНИ | Институционалното како јавно | организиран од Проектен простор Прес ту егзит | 22 и 23 септември, 2016, Клуб ГЕМ, Скопје, 19.00 – 21.00 ч.
Книгата When Attitudes Become the Norm (издадена од Archive Books и Igor Zabel Association for Culture and Theory, 2016) е збирка на есеи и интервјуа од историчарката на уметноста и теоретичарка Бети Жеровц која се осврнува на куратоските практики во современата уметност. Жеровц ги испитува кураторските практики во однос на поширокиот социјален, политички и економски контекст, како и во релација со силните промени кои се случија во полето на уметноста во минатиот век. Таа кураторот го анализира како личност која се појавува, се развива, и учествува во институционализирањето на современата уметност и констатира дека со неговата појава институционална уметност – уметноста дизајнирана со намера да одговара на просторот и потребите на институцијата – достигнува целосен израз.
Првиот дел од книгата утврдува историска и контекстуална рамка за разбирање на феноменот на кураторството и го објаснува широкиот спектар на надлежности и активности на современиот куратор. Во подоцнежните есеи, Жеровц го анализира брзото и глобално ширење на кураторството, ја дискутира политизираната левоориентирана современата уметност како жанр кој се развива во експлицитна поврзаност со кураторите и уметнички институции, како и прашањата за можностите на остварување на социјалните и политичките цели како прилог на изложбите и останатите кураторски проекти. Во последниот дел од книгата, Жеровц ги испитува карактерот и двосмислената улога на кураторот како уметник и курираните изложби за современа уметност како уметнички медиум, како настан, и како ритуал. Таа прави споредби меѓу денешната улога на уметнички институции како покровители и уметнички продуценти, и сличната улога која во минатото ја имала аристократијата и црквата повлекувајќи сличности меѓу современите уметнички настани и верскиот ритуал. Нејзината анализа на тој начин има за цел да се спротивстави на третманот на овие естетски продукции како на самостојни креации и да поттикне поголемо критичко мислење кон улогата која уметничките институции ја имаат во рамките на поширокиот општествен систем.
Содржина:
Introduction
The Role of the Contemporary Art Curator: A Historical and Critical Analysis
Joséphin Péladan: A Proto-Curator?
Interview with Pierre Restany
Interview with Zoran Kržišnik
Interview with Harald Szeemann
Interview with Daniel Buren
Networking, Curatorship and Social Capital
The Curator and the Leftist Politicisation of Contemporary Art
Interview with Charles Esche
Beautiful Freedom
The Exhibition as a Work of Art and the Curator as Its Author
The Exhibition as Artwork, the Curator as Artist: A Comparison with Theatre
Interview with Walter Benjamin
Why Is It Important in the Art Field to Think about Art Events?
Afterword by Mary Anne Staniszewski
Поговорот на книгата е напишан од американската теоретичарка на уметност Mary Anne Staniszewski, која, меѓу другото, е авторка на една од плодотворните анализи на модерната современа уметничка институција, The Power of Display: A History of Exhibition Installations at the Museum of Modern Art (MIT, 1998).
Бети Жеровц (Beti Žerovc) е словенечка историчарка и теоретичарка на уметноста. Таа предава на Катедрата за историја на уметност на Факултетот за ликовни уметности на Универзитетот во Љубљана. Нејзини предмети на истражување се визуелната уметност и уметничкиот систем од средината на деветнаесеттиот век, како и нивната улога во општеството. Во изминатите петнаесет години нејзиното истражување се концентрира на феноменот на совремеиот куратор, на современите изложби како медиум, и променетата улога на уметничките институции.
Издавач: Igor Zabel Association for Culture and Theory (Ljubljana) & Archive Books (Berlin)
IZA Editions
Уредник: Urška Jurman
Дистрибутер: Anagram Books & Les presses du réel
Подржана од: ERSTE Foundation
ISBN 978-3-943620-39-9
На 23.09 (петок), во клубот ГЕМ со почеток од 16.00 Бети Жеровц ќе одржи отворена работна сесија чија појдовна точка ќе биде есејот The Curator and the Leftist Politicisation of Contemporary Art објавен во книгата When Attitudes Become the Norm. На работилницата учесниците ќе добијат можност да ги преиспитаат некои од клучните теми и нивната релевантност денес: На кој начин уметничкиот систем се промени во последните десет години? Дали истиот се промени на подобро? Дали сме во право кога тврдиме дека социјалните прашања и слични на нив, треба да се повидливи во неговите рамки? Треба ли да се обидеме да најдеме начин да функционираме надвор од нив, или барем да ги избегнеме практиките со кои не се согласуваме? Може да се замисли уметничката практика надвор од “класичниот западен уметнички систем” воопшто?
Заинтересираните за работната сесија ќе можат да го потврдат своето присуство на presstoexit@gmail.com
Настанот е дел од програмата на петтото по ред издание на Интернационалниот симпозиумот „Кураторски размени“ насловен „Институционалното како јавно“.
„Кураторски размени“ е годишен симпозиум кој ја третира локалната и регионална потреба од квалитативна размена на знаење и искуства кои се однесуваат на уметнички истражувања, кураторски практики и едукација.
Организирано од:
Проектен простор Прес ту егзит (Скопје)
Проектен простор Прес ту егзит е основан во средината на 2004 година од страна на уметниците Јане Чаловски и Христина Иваноска како посебна програмски базирана уметничка иницијатива за истражување и продукција во полето на визуелните уметности и кураторските практики. Неговиот фокусот е насочен кон изнаоѓање нови начини за генерирање и продукција на проекти како и воспоставување на соработки со уметници и куратори од Македонија и странство преку четири програми: Иницијатива за кураторски гостувања; Нови проектни продукции; Предавања, презентации и изложби, и Издавачка програма.
Во соработка со:
Клуб ГЕМ (Скопје)
MAD Kitchen (Скопје)
Modesty (Токио)
Подржано од:
Министерство за култура на Република Македонија
Совет на Град Скопје
Австриска амбасада, Скопје
No Comments