ОТВОРЕН ПОВИК ЗА РЕЗИДЕНЦИСКИ ПРЕСТОЈ НА ВИЗУЕЛЕН УМЕТНИК ОД МАКЕДОНИЈА ВО АВСТРИЈА
July 6, 2015
Отворен повик | West Balkan Calling | Резиденциски престој на визуелен уметник од Македонија во Австрија | во организација на < rotor > center for contemporary art Graz и Проектен простор Прес ту егзит | краен рок за аплицирање: 15. 08. 2015
WEST BALKAN CALLING
Artist-in-Residence Exchange Programme
организирана од < rotor > center for contemporary art Graz во соработка со Проектен простор Прес ту егзит
WEST BALKAN CALLING е програма за уметничка размена и резиденциски престои меѓу 6 уметнички институции од Југоисточна Европа и 5 уметнички институции од Австрија, која ќе се реализира во текот на 2016 г.
Програмата е во организација на < rotor > center for contemporary art Graz од Австрија, во соработка со Проектен простор Прес ту егзит (Скопје, Македонија), T.I.C.A. – Tirana Institute of Contemporary Art (Тирана, Албанија), Public ROOM, (Сараево, Босна и Херцеговина), Stacion – Center for Contemporary Art (Приштина, Косово), Art Research Center 42° (Цетиње, Црна Гора), Kontekst Collective / Zadruga Oktobar (Белград, Србија) и lend|hauer (Клагенфурт, Австрија), AIR–ARTIST IN RESIDENCE (Кремс, Австрија), Atelierhaus Salzamt (Линц, Австрија), Kunsthalle Exnergasse (Виена, Австрија).
Во рамките на оваа програма Проектниот простор Прес ту егзит, а во соработка со < rotor > center for contemporary art Graz, организира резиденциски престој на еден македонски уметник во Австрија и истовремено обезбедува едномесечен резиденциски престој за уметник од Австрија, во Македонија.
За таа цел, Проектниот простор Прес ту егзит распишува отворен повик наменет за визуелни уметници кои живеат и работат во Македонија, а кои се поканети да аплицираат за едномесечна резиденција во еден од петте градови во Австрија (Грац, Клагенфурт, Кремс, Линц, Виена). Резиденцискиот престој ќе се реализира во текот на 2016 г.
Сите заинтересирани кандидати се поканети да ги достават потребните материјали за аплицирање:
– Пополнет формулар на англиски јазик;
– CV;
– Мотивациско писмо на англиски јазик (во кое се наведува причината и интересот за престој во соодветниот град; максимум 1/2 од A4 – страница);
– Портфолио за досегашната работа;
– Каталози во PDF формат (доколку ги има);
Формуларот за апликација со објаснување за сите детали поврзани со отворениот повик можете да го превземете од следниов линк.
Апликациите, пополнети на англиски јазик, се доставуваат на следнава меил адреса: presstoexit@gmail.com
Краен рок за поднесување на апликацијата е 15 август, 2015.
Предселекцијата ќе вклучи избор на вкупно 10 пријавени кандидати, од кои, во текот на месец септември, а со одлука на жири составено од членови на партнерските организации во проектот, во Виена, ќе биде избран еден македонски уметник на кој ќе му биде овозможен резиденциски престој во еден од петте градови во Австрија.
Повеќе информации за целокупната резиденциска програма, вклучително и информации за партнерските институции, можете да најдете на:
Контакт:
Јованка Попова
Тел. 071470779
е-маил: presstoexit@gmail.com
No Comments