logo
A powerful architecture & Construction theme. Construct your website in the perfect Ratio.
Alienum phaedrum torquatos nec eu, vis detraxit periculis ex, nihil expetendis in mei. Mei an pericula

Blog

presstoexit / 2013  / Вахида Рамујкиќ- покана
vahida-osporuvani-istorii

Вахида Рамујкиќ- покана

 

ПРОЕКТНИОТ ПРОСТОР ПРЕС ТУ ЕГЗИТ ве поканува на презентацијата

„Оспорувани истории“
на уметницата Вахида Рамујкиќ

Место: просторот Концепт 37 (ул. Рузвелтова бр. 37, Скопје)
Дата: петок, 6-ти септември, со почеток во 19 часот.

vahida-osporuvani-istoriiОвој настан е дел од второто издание на интернационалниот симпозиум Кураторски размени 2013.

„Оспорувани истории“ се учебници по историја за основно образование (преку 200 примероци во моментов) кои биле користени во различни преиоди на територијата на поранешна Југославија. Причината заради која се отпочна со создавањето на оваа збирка е таа да биде достапна на јавноста и да инспирира серија на работилници, дискусии и нови проекти. Досега проектот бил претставен на различни места меѓу кои Младинскиот центар „Црна Куќа“ (Нови Сад), Биеналето Спа-порт (Бања Лука), Книжарницата на Центарот за културна деконтаминација (Белград), NGBK галерија (Берлин), 52. Октомвриски салон (Белград) итн.

Што може некој да открие, споредувајќи ги учебниците, се различните интерпретации на исти историски настани за времето на Југославија и, подоцна, во учебниците на земјите создадени по распадот на Југославија. Имајќи го ова на ум нормално е човек да се запраша: Како се пишувала заедничката историја, и кои параметри биле земени предвид? До кој степен претставувањето на историските настани се веродостојни или се конструкции создадени на барање на владеачките државни политики? До кој степен националниот идентитет е смислен а до кој степен е создаден? Како ние како индивидуи, подложени на историски настани и нивното значење, сме создадени одново како поединци? Оваа претпоставка може да биде и спротвно поставена: како ние како поединци, активно или пасивно, допринесуваме кон повтроно или ново создавање на официјалните историските наративи? Последниве две прашања се клучни за проекот.

vahidaФотографија од работилницата „Оспорувани истории“, 52 Октомвриски салон, Белград 2011.

Биографија на Вахида Рамујкиќ:

Вахида Рамујкиќ (1973, Белград, Србија) учествувала на многу изложби меѓу кои: Prazski Alfabet, Nizio галерија Варшава (2011); Каде сè допрва треба да се случи, Спапорт биенале, Бања Лука (2010); L’un i el multiple, La Capella, Барцелона (2010); Јас сум тоа што сум, Меморијал Надежда Петровиќ, Чачак (2010); Документарно поврзување, Галерија Културен центар Белград  (2010); Невидливи градови, Pixelache фестивал, Киасма, Хелсинки (2010); Mercosul, Bienal do Porto Alegre; Quorum, La Capella, Барцелона (2009); ROTORRRETRO, Dispari&Dispari, Reggio Emilia (2007); Conflux фестивал, Бруклин, Њујорк (2006); Aire Incondicional, Shedhalle, Цирих (2004); Despres de la noticia, CCCB, Барцелона (2003).

Информација за Кураторски размени:

Симпозиумот е концептуализиран во 2012 како дел од програмата „Иницијатива за кураторски гостувања“, иницирана во 2005, се со цел да стимулира и поддржува истражување и имплементирање на нови кураторски проекти, како и да ги задоволи локалните и регионални потреби од прониклива и квалитетна размена на искуства и знаење во однос на уметничкото истражување, кураторските практики и едукација. Гости во 2012 година беа: Дороти Рихтер, Сузана Милевска, Софија Грандаковска, Славчо Димитров, Марко Стаменковиќ, Антонија Мајача и Башак Шенова.

Повеќе за ПРЕС ТУ ЕГЗИТ:

ПРОЕКТНИОТ ПРОСТОР ПРЕС ТУ ЕГЗИТ е оснoван во 2004 година од страна на уметниците Христина Иваноска и Јане Чаловски како посебна програмски-базирана уметничка иницијатива за истражување и продукција во полето на визуелните уметности и кураторските практики. Трите основни програми на делување се: Иницијатива за кураторски гостувања, Нови проектни продукции, и Предавања, публикации и изложби со уметници и куратори од Mакедонија, Европа и пошироко. http://www.presstoexit.org.mk

admin

No Comments

Post a Comment