logo
A powerful architecture & Construction theme. Construct your website in the perfect Ratio.
Alienum phaedrum torquatos nec eu, vis detraxit periculis ex, nihil expetendis in mei. Mei an pericula

Blog

presstoexit / 2013  / Претставување на Јане Чаловски во рамки на изложбата On the Move на European Kunsthalle
Yane Calovski Recount Redrawn 2013 detail

Претставување на Јане Чаловски во рамки на изложбата On the Move на European Kunsthalle

26 април – 30 јуни, 2013

Тековни активности | Претставување на Јане Чаловски | изложба On the Move на European Kunsthalle | KUB Arena, Kunsthaust Bregenz, Австрија

Во периодот од 26 април до 30 јуни, 2013 година, во KUB Arena на Kunsthaust Bregenz (Брегенз, Австрија) ќе биде презентирана изложбената, проектна и перформативна програма на European Kunsthalle, насловена Оn the move, во која учество ќе земе и македонскиот уметник Јане Чаловски.

Yane Calovski Recount Redrawn 2013 detail
Јане Чаловски, Recount Redrawn, 2013, детал

Програмата е курирана од Ванеса Џоан Милер (Vanessa Joan Müller), Астрид Вег (Astrid Wege од European Kunsthalle), Ива Биркенсток (Eva Birkenstock) и Јилмаз Ѕивиор (Yilmaz Dziewior од Kunsthaus Bregenz).

На изложбата насловена On the Move. European Kunsthalle at the KUB Arena, ќе бидат покренати прашања во чиј фокус се аспектите на перформативност, појавувањето и исчезнувањето на современите уметнички и институционални простори. Повикувајќи се на елементите на минатите активности на European Kunsthalle, изложувачките стратегии, како и прашањата за културните, социјални и институционални простори воопшто, уметниците-учесници ќе развијат мноштво насоки кои се однесуваат на принципите на „креирање настан“ и неговите натамошни импликации.

За таа цел, Јане Чаловски, по сеопфатното истражување на архивски материјали и преку серијата цртежи кои ќе бидат презентирани во рамки на оваа изложба, предлага субјективно читање на историјата на European Kunsthalle.

Освен Јане Чаловски останати учесници во изложбената програма се Давид Маљкович (David Maljkovic), Дорит Маргреитер (Dorit Margreiter), Ник Маус (Nick Mauss), Шарлот Мот (Charlotte Moth), Стивен Вилатс (Stephen Willats) и Јоханес Вонзајфер (Johannes Wohnseifer).

Во рамки на проектната програма на 8 и 9 јуни, 2013 година ќе се случи и серија на настани која вклучува предавања, дискусии, филмски проекции, а во која учество ќе земе и Чаловски.

Yane Calovski Recount Redrawn 2013
Јане Чаловски, Recount Redrawn, 2013

http://www.eukunsthalle.com/186.0.html?&;L=1

admin

No Comments

Post a Comment