Blog

Промоција на книга: Јане Чаловски: OBJE’CT

24 Ноември, 2012

Тековни активности | Промоција на книга Јане Чаловски | OBJE’CT | саем за уметност Contemporary Istanbul 2012, сала за конференции на Центарот за собири и изложби во Истанбул | текстови од Башак Шенова, Астрид Веге и Себастијан Цихочки

OBJE’CT е првата книга од серијата „Kниги за уметници“ чии дела припаѓаат на уметничката колекција на Зорлу центарот во Истанбул, а е курирана од Башак Шенова. Таа е скромен обид да се укаже на специфичните карактеристики, развојните дилеми и насоки во уметничката колекција на Зорлу центарот,  преку насоката на размислување и делување на Чаловски. Книгата истовремено претставува и прва сеопфатна публикација која се осврнува на делото на Јане Чаловски, а кој во 2011 година има изработено објект токму за оваа колекција. Концептуалните дела на Чаловски се осврнуваат на непотполноста и пропустите во нарациите и историјата. Оттука, слично на работата на некој археолог, тој е опседнат со истражување и обработка на архивите. Неговите дела се инспирирани од пронајдените и исчезнатите линкови во архивите од било кој вид; некогаш делото се отелотворува во лични архиви и приказни, а понекогаш е поставено во јавен простор.

Зорлу центарот (Zorlu Center), кој е зачетник на истоимената уметничка платформа Зорлу Центар –  Центар за изведувачки уметности, и партнерски спонзор на саемот за уметност Contemporary Istanbul за 2012 година, со гордост ја најавува промоцијата на книгата на уметникот Јане Чаловски, насловена OBJE’CT.

Промоцијата на книгата, која е закажана за 24 ноември и е дел од CI Dialogues програмата на Contemporary Istanbul 2012, ќе биде придружена со дискусија и разговор помеѓу уредничката на книгата Башак Шенова и уметникот Јане Чаловски.

OBJE’CT е првата книга од серијата „Kниги за уметници“ чии дела припаѓаат на уметничката колекција на Зорлу центарот, а е курирана од Башак Шенова. Освен тоа, таа е скромен обид да се укаже на специфичните карактеристики, развојните дилеми и насоки во уметничката колекција на Зорлу центарот,  преку насоката на размислување и делување на Чаловски. Книгата истовремено претставува и прва сеопфатна публикација која се осврнува на делото на Јане Чаловски, а кој во 2011 година има изработено објект токму за оваа колекција.

Концептуалните дела на Чаловски се осврнуваат на непотполноста и пропустите во нарациите и историјата. Оттука, слично на работата на некој археолог, тој е опседнат со истражување и обработка на архивите. Неговите дела се инспирираниа од пронајдените и исчезнатите линкови во архивите од било кој вид; некогаш делото се отелотворува во лични архиви и приказни, а понекогаш е поставено во јавен простор.

Архивите ги разоткриваат и прикриваат личните и колективните развои. Истражувањето на Чаловски осцилира помеѓу овие  дејствија на прикривање и разоткривање; оттука, неговото дело успева да восхити на алхемиски начин со претворање на пропустите во меморијата и изгубените линкови во ефемерни секвенци од настани, ситуации, чувства и објекти. Истражувањето е клучен процес во работната методологија на Чаловски. Неговата уметничка практика опфаќа различни видови на дела, почнувајќи од цртежи, објекти, фотографии, видео, сајт специфик инсталации, и перформанси. Соодветно на тоа, неговата работа ги контекстуализира и се однесува на функцијата на идеите во различни форми на презентација, продукција, истражување и анализа.

Книгата OBJE’CT презентира интервју со Јане Чаловски направено во разговор со уредникот, во придружба со додатен критички осврт за делото на Чаловски чиј автор е Astrid Wege и измисленото сценарио од Sebastian Cihocki кое има за цел да укаже на незабележаните аспекти на документирање на уметноста. Книгата дава увид во селектираните повеќеслојни дела на Чаловски, почнувајќи од 1998 година, кои биле изложени на најразлични места и настани, вклучувајќи ги Tate Britain, Manifesta7, European Kunsthalle, Kunshallen Brands, Baltic Art Center, Музејот на современа уметност во Скопје, и AR/GE Kunst Galleria Museo.

Јане Чаловски дипломирал на Академијата за ликовни уметности на Пенсилванија (Pennsylvania Academy of the Fine Arts, 1992/96) и Бенингтон колеџот (Bennington College,1996/97) и бил на студски престој во Центарот за современи уметности Китакјушу, Јапонија (CCA Kitakyushu, 1999/00) и Истражувачкиот пост-дипломски центар Академијата Јан ван Ајк, Мастрихт, Холандија (Jan van Eyk Academy – a Post-academic institute for research and production in Fine Art, Theory and Design, 2002/04). Тој е магистрант и на Линкопингс универзитетот во Шведска (Vision Forum, Campus Norrköping, Linköpings Universitet, 2011). Меѓу останатите грантови и резиденции, добитник е и на наградата Pew Fellowship in the Arts (2001). Во 2004 Чаловски  заедно со уметничката Христина Иваноска (со која соработува од 2000 година на повеќе проекти) го етаблираат програмскиот концепт на „Проектниот простор Прес то Егзит“ (press to exit project space). Чаловски станува негов уметнички директор во 2005 и оттогаш има реализирано, самостојно и во соработка, голем број изложби, предавања и проекти со домашни и странски уметници, куратори, и теоретичари. Неговите колаборативно – контекстуални проекти се меѓународно изложувани вклучувајќи повеќе групни и самостојни изложби меѓу кои: The Drawing Centre (Њујорк), Музејот за уметности на Филаделфија, Манифеста 3 (Љубљана), Музејот на современа уметност (Скопје), АР/ГЕ Кунст (Болѕано, Италија), Нова галерија (Загреб), Центарот за современа уметност (Вилнус), Кунстхаллен Брандтс (Данска), и второто учество на европското биенале на современа уметност Манифеста 7 одржано во Јужен Тирол, Италија, 2008.

Башак Шенова е куратор и дизајнер. Студирала литература и графички дизајн (магистрирала во областа на графички дизајн a докторирала по уметност, дизајн и архитектурата на Bilkent University).  Била учесник на 7-ма кураторска програма на Stichting De Appel, Amsterdam. Уредник е на art-ist 6, Kontrol Online Magazine, Lapses Book series и многу други публикации. Таа е една од основачките членови на НОМАД, како и организаторот на ctrl_alt_del and Upgrade!Istanbul. Куратор е на турскиот павилјон на 53 Биенале во Венеција (2009), и е предавач (Assist.Prof.Dr.) на Faculty of Communication, Kadir Has University, Istanbul (2006-2010). Скорешни изложби и проекти курирани од Сенова се:  Conscious in Coma”, “Rejection Episodes”, “Unrecorded”, “Eclipsed Vocies”, “Extracted Objects”, “Soft-Borders”, “Siyah (White)”,  и “Aftermath”. Во моментов, таа е ко-куратор на UNCOVERED (2010-2013) project во Кипар и второто биенале на современа уметност, Д-0 АРК Underground (2013), Босна и Херцеговина. Шенова работи како куратор на Zorlu Center Art Collection, Истанбул.