logo
A powerful architecture & Construction theme. Construct your website in the perfect Ratio.
Alienum phaedrum torquatos nec eu, vis detraxit periculis ex, nihil expetendis in mei. Mei an pericula

Blog

presstoexit / Archive2  / Art Spaces Directory
Art Space Directory Book0029

Art Spaces Directory

Август 09, 2012

Надворешни активности | Проектен простор Прес ту Егзит од Скопје (MK) | Art Spaces Directory (публикација) | издадена од New Museum (NYC) | The Art Spaces Directory е интернационален водич за простори кои ги негуваат и поддржуваат современите уметници и уметнички практики. Структурирано врз основа на модел за „Музејот како стожер на активности“, Триеналето на New Museum во 2012 година, насловено “The Ungovernables”, инкорпорира соработка со мрежа на куратори, организации и уметници од секаде низ светот, вклучувајќи го и музејот како централен партнер. Нивните активности и придонеси се инспирација за публикување на Art Spaces Directory, ресурсен извор на информации за над 400 независни уметнички организации од 96 земји во светот.

Надворешни активности: август, 2012
Проектен простор Прес ту Егзит (MK), Art Spaces Directory (публикација),
издадена од New Museum (NYC)

Независната уметничка организација Проектен простор Прес ту Егзит од Скопје, во чиј фокус е истражување и продукција на полето на визуелните уметности и кураторски практики, е дел од меѓународниот водич Art Spaces Directory, објавен од New Museum (Њујорк), во август, оваа година, меѓу 400 независни уметнички организации од 96 земји во светот. Оваа организација е вклучена во обемниот водич за организации, здруженија и независни уметнички простори кои што се бават со истражување и делување во областа на современите уметнички практики и теории на покана на New Museum, и e единствена од земјава која е застапена во публикацијата, а од регионот се споменати само Центарот за современа уметност Stacion од Приштина,  и Културниот центар Rex од Белград.

Art Space Directory Book0029

Независните уметнички простори се клучни места за поттикнување на партнерства, здружувања и платформи за младите уметници. Честопати иницирани од самите уметници, тие се создадени со намера да прикажат нови уметнички форми, во некомерцијален амбиент. Како резултат на тоа, многу уметнички простори имаат карактер на краткорочни заложби кои одговараат на потребите на одредено време и место. Како признание на духот и определбите на овие простори, кои се од клучно значење за јавно препознавање на повеќето од уметниците вклучени во “Ungovernables”, овој водич истакнува над 400 уметнички организации од 96 земји низ светот. Изложбата “Ungovernables” го одбележува второто издание на триеналето на New Museum, во рамки на кое изложуваат вкупно 34 уметници, уметнички групи и привремени здруѓенија, од кои повеќето никогаш претходно не биле претставени во САД. Една од целите на Art Spaces Directory, освен што придонесува во мисијата на New Museum за поддршка на иновативни проекти од областа на современата уметност, е и да послужи како извор за информација за уметниците, кураторите, студентите, пошироката јавност, односно за сите оние кои се заинтересирани за новите уметнички практики. Art Spaces Directory  е издадена во партнерство со списанието ArtAsiaPacific.

New Museum е основан во 1977 година и е водечка дестинација за продукција на идеи во областа на нови уметнички практики. Тој е единствен музеј на Менхетен кој е посветен на современа уметност и ужива голема меѓународна почит заради активности поврзани со современи  уметнички експерименти и опсежни кураторски програми.

http://www.newmuseum.org/artspaces/view/press-to-exit-project-space

admin

No Comments

Post a Comment